كيما الاسبوع الفارط نجمة اف.ام تخصّصلكم فقرة اسبوعية قارة تحكي على موضوع يهم الحياة الزوجية
فقرة تهم كل القادمين على العرس سواء النساء او الرجال، باش يتلقاو نصائح و معلومات من عند مدرب التنمية البشرية بشير بوزويتة
الاسبوع هاذا حكالنا على الاحكام المسبقة الي نسمعوها على العرس
الحياة الزوجية ماهياش حياة مثالية و فيها خلافات و مش بالضرورة إنّو المرأة تسمع كلام الراجل في كل شيء و بحكم القرب تطلّباتنا من بعضنا تكبر و انو فرض الرأي يؤدّي بينا الى خلافات، و اذا حلينا باب سلبي في جانب المشاعر رانا باش نعيشوها لأنّ بذلك نكونو غذّيناها
و تحدث ايضا على قانون الجذب، حيث اكد على انو ضرورة إنا نكونو واضحين في الطلب متاعنا المتعلق بٱختيار الزوج او نجاح الزواج و نركزو على التفاهم
ثانيا التحضير، يعني نكونو متهيئين و نبعدو على السلبيات
ثالثا اليقين في التلقي، و ما نشكّكوش في رواحنا و قدراتنا
و ختم المدرب بأنو مستحيل نلقاو راجل كيما نحبو بالضبط و لازم نتقبلوه كيما هو و مانصعبوش الامور قبل الزواج باش كل شيء مبعد يسهال
تنجمو تتفرّجو على الحصّة الفارطة : ثلاثة نصائح للمرأة لحياة زوجية سعيدة